Ново рочиште за петкратното убиство кај Смилковското Езеро

Животите ги загубија тинејџерите Цветанчо Ацевски (19), Кире Тричковски (21), Александар Накевски (18), Филип Славковски (20) и повозрасниот Борче Стевковски (45).

Во Судот во Скопје денеска ќе има ново рочиште за случајот „Монструм“, за петкратното убиство кај Смилковското Езеро. Денеска на јавна седница, врховните судии треба да ги разгледаат жалбите за доживотните затворски казни кои на осудените им ги изрече Основниот, а ги потврди и Апелациониот суд.

судење Смилковско

Случајот пред Врховниот суд го застапува обвинителката Лилјана Спасоска која неодамна беше назначена за в.д. јавен обвинител на местото на разрешениот Марко Зврлевски.

Инаку, рочиштето минатиот пат беше одложено поради барање на адвокатот на одбраната Амир Алиспахиќ, кој го извести судот дека е на патување надвор од земјата.

За потсетување, незапаметениот масакр кој ја потресе Македонија се случи на 12 април во 2012 година. Животите ги загубија тинејџерите Цветанчо Ацевски (19), Кире Тричковски (21), Александар Накевски (18), Филип Славковски (20) и повозрасниот Борче Стевковски (45).

На Велики Четврток беше брутално стрелано во младите мочиња и повозрасниот маж кај Смилковско Езеро.

За денеска беше закажано и продолжението на судскиот процес за случајот „Диво Насеље“, но е преместено за во четврток.

ОХРИД 24

Facebooktwittergoogle_pluslinkedinmail

© Ohrid24.mk. Сите права се задржани.
Текстот не смее да се презема, во целина или во делови без договор со Ohrid24.mk