Реал во Скопје без Роналдо

Се очекува дека 32-годишниот фудбалер да биде подготвен за првиот натпревар на шпанскиот Суперкуп против Барселона на „Камп Ноу“, кој е закажан за 13 август.

Напаѓачот на Реал Мадрид, Кристијано Роналдо, најверојатно, нема да биде во тимот на натпреварот од Супер Куп со Манчестер Јунајтед закажан за 8 август во Скопје, но треба да игра против Барселона во шпанскиот Супер Куп.

Кристијано Роналдо

Португалскиот фудбалер се уште е на одмор, по долгата сезона и учество во Купот на Конфедерации во Русија, а според информациите објавени во шпанските медиуми, оваа недела ќе се врати во Мадрид и ќе биде подложен на медицински прегледи.

Роналдо потоа повторно ќе замине на одмор и на крајот на јули би требало да се приклучи на тренинзите на европскиот и шпански шампион.

Ова значи дека Роналдо ќе го пропушти натпреварот против Барселона на 30 јули во Меѓународниот Куп на шампиони, како и дуелот од Супер Купот во Скопје на 8 август, со Манчестер Јунајтед.

Се очекува дека 32-годишниот да биде подготвен за првиот натпревар на шпанскиот Суперкуп против Барселона на „Камп Ноу“, кој е закажан за 13 август. Реваншот е три дена подоцна во Мадрид.

ОХРИД 24

Facebooktwittergoogle_pluslinkedinmail

© Ohrid24.mk. Сите права се задржани.
Текстот не смее да се презема, во целина или во делови без договор со Ohrid24.mk