Нова кампања на ОСБСП: „Безбедноста е најважната лекција!“

Кампањата, ќе се реализира во текот на овој месец во соработка со Републичкиот Совет за безбедност во сообраќајот заедно со учениците од трето одделение при основните училишта во Охрид.

Општинскиот совет за безбедност на сообраќајот на патиштата Охрид, согласно програмата за работа за 2017 година, утре ќе отпочне со реализација на едукативната кампања „Безбедноста е најважна лекција“.

сообраќајна лектира

Кампањата, ќе се реализира во текот на овој месец во соработка со Републичкиот Совет за безбедност во сообраќајот заедно со учениците од трето одделение при основните училишта во Охрид. Предвидено е, претставници на ОСБСП, да ги посетат основните училишта и на третоодделенците да им поделат сообраќајно-едукативна брошура „Сообраќајна лектира“, во која, илустративно се поместени неколку основни правила и прописи за безбедно учество во сообраќајот.

Димоски 1

„Едукативната кампања „Безбедноста е најважна лекција“ започнува утре во 10 часот во ОУ „Григор Прличев“ каде, на средбата со учениците од трето одделение ќе присуствува и униформиран полициски службеник од полициската станица за безбедност во патниот сообраќај од Охрид, кој ќе помогне во практичната реализација на кампањата и низ разговор со учениците, ќе ги запознае со основните сообраќајни правила и прописи“, вели Стефан Димоски, претседател на Општинскиот совет за безбедност во сообраќајот на патиштата при Општина Охрид.

Целта на оваа сообраќајно-воспитна манифестација, како што додава Димоски, е едукација и издигнување на сообраќајно-техничката култура кај најмладите, запознавање со сообраќајните правила и прописи и нивно максимално почитување со цел подобрување на безбедноста на сообраќајот.

ОХРИД 24

Facebooktwittergoogle_pluslinkedinmail

© Ohrid24.mk. Сите права се задржани.
Текстот не смее да се презема, во целина или во делови без договор со Ohrid24.mk