СВР Охрид врши контрола на вкупно 549 лица (Охрид-149, Струга 137, Кичево-99 и Дебар-164)

Охрид

Непречено се реализираат активностите кон лица што се ставени под мерки за самоизолација,  здравствен надзор и домашна изолација.

– Моментно, СВР Охрид, по основ на своерачно потпишана изјава за самоизолација и по мерката „здравствен надзор и домашна изолација“, врши контрола на вкупно 549  лица (Охрид-149, Струга 137, Кичево-99 и Дебар-164). Во општините Дебар и Центар Жупа без проблеми се реализираат мерките за контрола при влез на патнички и други моторни возила, како и активностите за дотурот на храна, лекови, средства за лична хигиена и други потреби за граѓаните во двете општини. Сите правни лица кои вршат дотур треба да се најават во Кризниот штаб на фиксниот телефон 046/831 051 по што,  нивните возила со полициска придружба ќе бидат спроведени до соодветните трговски објекти. Потсетуваме дека влезот е дозволен само на лица кои се жители на општините, а истовремено е оневозможен, односно строго е забранет излезот на сите граѓани затекнати на подрачјето на двете општини, информира портпаролот на СВР Охрид, Стефан Димоски и додава:

Упатуваме апел до граѓаните,  строго да ја почитуваат  одлука на Владата за забрана на движењето од 21.00 до 06.00 часот секој ден, како и дисциплинирано да се придржуваат до сите останати препорачани мерки и насоки во врска со спречувањето на ширењето на корона вирусот (COVID-19), а сите правни и физички лица строго да се придржуваат до насоките на полициските службеници. Граѓаните, на бесплатниот телефонски број 08 0000 201 или на 192,  можат да ги пријавуваат сите случаи на лица кои ги прекршуваат одредбите за задолжителна 14-дневна самоизолација. Сите оние кои ги прекршуваат дадените препораки, ќе бидат санкционирани согласно член 205 и 206 од Кривичниот законик.

ОХРИД 24

Please follow and like us:
Tagged