Нема да има паричнa награда за полицајците- власта на СДСМ и Заев го отфрли предлогот на Чулев

Македонија

Министерката за финансии, Нина Ангеловска, одговарајќи на новинарско прашање на денешната прес-конференција, потврди дека нема да биде прифатена предлог-уредбата на министерот за внатрешни работи Наќе Чулев за еднократна и линеарна финансиска награда од 15.000 денари за сите полициски службеници.

– Секоја чест за чуварите на нашиот јавен ред и мир. Многу службени лица и во другите сектори се залагаа во овој тежик период и работеа по 16-17 часа, па и во сабота и недела. Тоа е некоректен предлог, ако се знае дека само два дена претходно министерот Чулев поднесе предлог за кратење од 88 милиони денари од трошоците на министерството, рече Ангеловска.

Претходно Македонскиот полициски синдикат побара од министерот Чулев да издејствува зголемување на платите на полицајците за 20 отсто за месеците април и мај.

извор: Курир

Please follow and like us:
Tagged