Шекеринска се сети на Охрид после три години, во меѓувреме МОЖЕШЕ, но не направи ништо

Охрид

Шекеринска во 2016 година ветуваше кули и градови, потоа три години никој не можеше да ја види, за сега пак да се појави на реконструкција на улица и да зборува за некои големи капитални инвестиции, се вели во реакцијата на ВМРО-ДПМНЕ на изјавата на Радмила Шекеринска која денеска изјави дека во Охрид се гради по план и се вложува во инфраструктурата.

„Три години не направија ништо за Охрид освен што го заборавија и запоставија. Три години не фрлија ниту една лопата на автопатот Охрид –Кичево. Во Охрид дозволија да владее партиско-урбанистички хаос кој го загрозува статусот на градот и езерото во УНЕСКО.
Таа ветуваше дека ќе го спречи иселувањето, па дури и дека ќе ги враќа младите назад. Напротив со лошите економски политики уште повеќе ги фрлија граѓаните во сиромаштија и бесперспективност.
Очигледно Шекеринска се сеќава на народот само пред избори и им ги нуди истите препакувани лаги од 2016 –та година. Во меѓувреме владата на СДСМ, Шекеринска и Заев МОЖЕШЕ, но не направи ништо за граѓаните. СДСМ, Шекеринска и Заев покажаа дека можат единствено повеќе криминал, можат повеќе корупција и можат само порази. Да ставиме крај на виткањето кичма. Исправи се Македонијо! Одбери обнова!“ се наведува во реакцијата на ВМРО-ДПМНЕ.

Please follow and like us:
Tagged