Приведен охриѓанец, полицијата кај него пронашла дрога и оружје

Охрид

Вчера околу 21.30 часот, пред угостителски објект кај бензинска станица во Охрид, од страна на полициски службеници од Оддел за криминалистичка полиција-Сектор за недозволена трговија со дрога, оружје и опасни материи, во координација со Одделот за специјални полициски операции-Единица за специјални задачи и СВР Охрид – Оддел за недозволена трговија со дрога и оружје, лишен од слобода е 44-годишен охриѓанец, поради постоење основано сомнение за сторени кривични дела недозволена трговија со дрога и оружје, информира портпаролот на СВР Охрид, Стефан Димоски.

– Имено, при извршен преглед кај него и на неговото возило, биле пронајдени марихуана и два ножа, а при претреси во неговиот и домот на неговата сопруга, извршени по претходно издадени судски наредби од Судија на претходна постапка од Основен суд Охрид, пронајдени и одземени се марихуана, дигитална вага со остатоци од марихуана и 331 парче распрскувачки материи, истакна Димоски.  

По завршување на претресот, лицето е приведено во полициска станица Охрид, а по комплетирање на целокупната документација ќе му бидат поднесени кривични пријави за сторени Кривични дела по член 215 и чл. 396 од Кривичниот законик.

Please follow and like us:
Tagged