ВМРО-ДПМНЕ и граѓаните вечерва протестираат и во Охрид

Охрид

Денеска, 13 октомври, со почеток во 18:00 часот, ВМРО-ДПМНЕ ги повика граѓаните заедно да протестираат со возила во Скопје, Охрид и Прилеп против, како што велат мафијата на Заев и поскапувањето на струјата.

– Граѓаните во Македонија се соочени со драстичен пад на стандардот поради поскапувањето на струјата од 7,4% што го испорача мафијата на власт преку одлуката донесена од РКЕ. Марко Бислимовски, претседателот на РКЕ е марионета на Заев, скапо платена марионета која удира по џебот на граѓаните за да ги покрие дупките од неспособноста и неодговорноста на мафијата на власт. Сега народот плаќа поскапа струја, дури Бислимовски за своите штетни одлуки за граѓаните го плаќаат 120 илјади денари. ВМРО-ДПМНЕ и граѓаните уште еднаш ќе порачаат, да се врати старата цена на струјата, да се спречи осиромашувањето на граѓаните, Марко Бислимовски и членовите на РКЕ да бидат сменети и на нивно место да се изберат експерти кои ќе го штитат интересот на народот, велат од ВМРО-ДПМНЕ.

Од партијата повикуваат на почитување на мерките за заштита од КОВИД-19, притоа секој со себе да носи лична заштитна опрема.

Почетокот на протестот е на булеварот „Туристичка“ на влезот на Охрид, додека крајната цел е паркингот кај Котва.

Please follow and like us:
Tagged