Руската вакцина „Спутник V“ фаворит во борбата против коронавирусот, тврди „Блумберг“

Свет

Првата вакцина против коронавирус во светот „Спутник V“ можеби е најзначајното научно достигнување во Русија од советскиот период, пишува агенцијата „Блумберг“.

Руската вакцина „Спутник V“, спрема која Западот на почетокот беше скептичен, сега стана светски фаворит во борбата против пандемијата со коронавирусот, се вели на почетокот од текстот.

Резултатите од третата фаза на клиничките испитувања на вакцината „Спутник V“, кое што ги објави реномираното списание „Ленсет“, покажале дека руската вакцина не заостанува зад американските и европските, а и дека е многу поефикасна од кинеските, стои во објавата на списанието.

После објавата на „Ленсет“, многу земји „застанаа на ред“ како потенцијални купувачи, а најмалку 19 земји ја одобрија нејзината употреба, вклучувајќи ја и членката на ЕУ, односно Унгарија, а Бразил и Индија се на чекор до одобрување.

Исто така и регулаторните европски тела започнаа да го разгледуваат барањето за одобрување на руската вакцина после ветувањата од страна на Германија дека ќе помогне во забрзување на процедурата, пренесува „Спутник“.

Како што за „Блумберг“ истакна главниот уредник на „Ленсет“, Ричард Хартон, тој процес може да потрае неколку месеци, затоа што неопходно е да се приложат детални податоци за вакцината.

-Навистина мислам дека руската вакцина ќе се користи пошироко, но тоа нема да се случи многу брзо, рекол Хартон.

извор: Лидер

Please follow and like us:
Tagged