Горивата поскапуваат од полноќ – ова се новите цени

Македонија

Во согласност со методологијата која се користи за пресметка на цените на горивата, од вечерва малопродажните цени се зголемуваат за денар, односно денар и половина.

Според методологијата која РКЕ ја користи за формирање на цените на горивата, од вечерва на полноќ малопродажните цени се зголемуваат во просек за 1.95%.

Малопродажните цени на ЕУРОСУПЕР-95 и ЕУРОДИЗЕЛ се зголемуваат за по еден денар. Соодветно на тоа, еден литар 95-октански бензин ќе чини 65.50 денари, додека еден литар дизел ќе чини 56.00 денари.

Цената на ЕУРОСУПЕР-98 се зголемува за 1.50 денари, и еден литар 98-октански бензин ќе чини 67.50 денари.

Новите цени стапуваат на сила вечерва на полноќ.

Please follow and like us:
Tagged