Се подготвуваат нови правила: Нема повеќе влез во кафеани и трговски со една доза вакцина

Македонија

Експертите за имунизација подготвуваат укинување на дозволениот влез во ресторани, кафулиња, трговски центри и на настани за лица кои примиле само една доза од вакцината за заштита од Ковид–19. Влезот ќе биде дозволен само за комплетно вакцинирани лица.

Министерот за здравство Венко Филипче, денес најави дека оваа мерка ќе почне да се применува откако ќе биде оставен доволен период за граѓаните да ја комплетираат вакцинацијата.

Експертите за имунизација имаат работни состаноци, во некој период, а ќе се остави најмалку еден месец, како критериум за јавни настани ќе биде потребно граѓаните да се целосно имунизирани. Тоа ќе се воведе по соодветна анализа на бројот на имунизирани граѓани со една доза и анализа на потребниот период за втора доза“, рече Филипче и додаде дека целта на ваквото заострување на мерките е што поголем број граѓани да се вакцинираат.

Мерката само вакцинирани со барем една доза да можат да влегуваат во ресторани, на јавни настани и во трговски центри стапи на сила на 16 август.

Please follow and like us:
Tagged