Пристигна донацијата вакцини на „Фајзер“ од Бугарија чиј рок истекува за 13 дена

Македонија

Македонија вчера ја прими донацијата од над 50.000 вакцини „Фајзер“ од Бугарија, напиша утрово на Твитер шефот на дипломатијата Бујар Османи.

Вакцините веќе се дистрибуирани и подготвени да се употребат. Важен гест на пријателство и солидарност, напиша Османи.

На овие вакцини „Фајзер“ рокот им истекнува на 30 септември. Требаше да пристигнат на 14 септември.

Бугарското Собрание на 8 септември ја одобри донацијата од над 50.000 вакцини за Македонија. Министерот за здравство на Бугарија, Стојчо Кацаров тогаш појасни дека донацијата требало да се изврши во јуни, но поради проблеми со процедурите тогаш тоа не било извршено.

-Конкретно за Македонија, изборот е дали да ги уништиме или да ги подариме, затоа што на вакцините им истекува рокот до крајот на септември, изјави тогаш Кацаров.

Откако Бугарија соопшти дека ќе ги донира на Македонија, Министерството за здравство соопшти дека тие ќе бидат аплицирани пред истекување на рокот на важност. Помеѓу две дози на вакцината „фајзер“ потребно е да поминат три недели, односно 21 ден.

Please follow and like us:
Tagged