Влајнкиноски со детали за КУРИР: Бев нападнат од роднина на досегашниот градоначалник од СДСМ

Регион

Претседателот на Општинскиот комитет на ВМРО-ДПМНЕ во Вевчани, Ѓорѓи Влајнкиноски, вчера во Струга настрадал во инцидент со физичко насилство. Влајнкиноски во изјава за КУРИР вели дека лицето кое го извршило нападот е брат на сопругата на досегашниот градоначалник на општина Вевчани од СДСМ, Сашо Јанковски.

-Вчера бев во Струга службено, како член на Општинска изборна комисија да ги печатам уверенијата за советници и градоначалник, додека пиев кафе во едно струшко кафуле бев нападнат од братот на сопругата на градоначалников во заминување, односно од неговиот шура. Се работи за лицето Михајло Нонески од Струшкото подземје, со дебело криминално досие, добро познато на полицијата, вели Влајнкиноски за КУРИР.

Влајнкиноски, случајот го пријавил и во полиција.

-Извадив и специјалистички извештаи за повредата и ќе терам по правен пат, додава тој.

За настанот денеска известија и од СВР Охрид.

-На 04.11.2021 година во ОВР Струга, Ѓ.В.(34) од Вевчани, пријави дека околу 13 часот, пред угостителски објект лоциран на улицата „15 корпус“ во Струга, физички бил нападнат од М.Н. од Вевчани. Против напаѓачот ќе биде поднесена соодветна пријава, соопшти портпаролот на СВР Охрид, Стефан Димоски.

Please follow and like us:
Tagged