22 автобуси во Охрид упатени на технички преглед, еден исклучен од сообраќај поради неисправни кочници

Охрид

На 06.12.2021 година при преземени сообраќајни контроли, полициските службеници од полициската станица за безбедност во патниот сообраќај Охрид, контролирале и во станица за технички преглед упатиле 22 автобуси што вршат јавен превоз на патници, соопшти Стефан Димоски, портпарол на СВР Охрид.

-Притоа, кај еден автобус констатиран бил неисправен уред за сопирање поради што, возилото е исклучено од сообраќај, а кон правното и одговорното лице поднесени се соодветна пријава, истакна Димоски.

Во Струга, додава портпаролот на СВР Охрид, поради неправилно паркирани и оставени возила на коловоз, со специјално возило „пајак“, подигнати се пет моторни возила, а во Кичево, полициските службеници санкционирале шест пешаци кои коловозот го преминувале надвор од обележан пешачки премин.

Please follow and like us:
Tagged