Во Струга попладнево се одржа познатата струшка Литија (Еордија) со моштите на Свети Георгиј Победоносец, чудотворната икона на светецот и иконата на Богородица Крнинска.
На Литијата присуствуваа и градоначалникот на Охрид, Кирил Пецаков, и претседателот на ВМРО-ДПМНЕ, Христијан Мицкоски.
Молитвената поворка од храмот на светителот, според традицијата, се движеше низ централните градски улици, покрај кејот на реката Црн Дрим, низ Чаршијата и повторно се вратија во црквата, каде верниците имаа можност да се поклонат пред моштите на Свети Георгиј.
