(ФОТО) Запленети 139 парчиња охридска пастрмка, приведени две лица од Република Албанија

Охрид Регион

Денеска (30.10.2022) по претходно преземени мерки и активности, полициски службеници од Одделението за прекуграничен криминал Охрид и Полициската станица за граничен премин и граничен надзор Стење ги привеле Е. Ш. (22) и М.А. (25) од Република Албанија, соопшти портпаролот на СВР Охрид, Стефан Димоски.

“При контрола во патничко возило „нисан“, со албански национални ознаки, биле пронајдени 139 парчиња охридска пастрмка со вкупна тежина околу 90 кг, кои биле предмет на недозволена трговија од Република Албанија кон Република Македонија. Е.Ш. и М.А. се приведени во полициска станица и по целосно документирање на случајот против нив ќе биде поднесен соодветен поднесок”, истакна Димоски.

Please follow and like us:
Tagged