Освоен и „ДУБРОВНИК ОПЕН 2022“: 6 златни, 4 сребрени и 5 бронзени за Таеквон-до клубот „ХВА РАНГ ИТФ“ Лескоец-Охрид

Охрид Спорт

Викендов што помина Таеквон-до клубот „ХВА РАНГ ИТФ“ Лескоец-Охрид настапи на Меѓународен Таеквондо ИТФ турнир „Дубровник Опен 2022“ во Хрватска, каде што учествуваа околу 300 натпреварувачи од 24 клубови од 6 земји, Србија, Хрватска, Бугарија, Словенија, БиХ и Македонија.

Нашиот клуб под водство на Марјанчо Лазаревски носител на црн појас V дан, учествуваше со 9 натпреварувачи, кои учествуваа во 2 дисциплини: форми(борба со замислен противник) и спаринг борби, а двајца членови на клубот, настапија и како натпреварувач и како судии                                                                        

“Елена Јанеска и Божидар Димитриевиќ делеа правда, и се натпреваруваа, иако премногу напорно за нив, докажаа дека ако се сака се’ се може, па покрај одличното судење повторно се закитија и со медали. На овој натпревар Давид Крстески, повторно докажа дека е врвен спортист освојувајќи злато и во борби и во форми, и пехар за најдобар јуниор 14-17 години. На Христијана Парулеска патот до пехар и го прекинаа судиите во полуфиналните борби освојувајќи бронза во борби и злато во форми. Елена Јанеска покрај што судеше, освои бронза во форми, и злато во борби, во финале против домаќините, победувајќи ги и судиите и публиката. Покрај нив и некои помлади натпреварувачи напаравија одлични успеси, од кои можеме да ги издвоиме, Климент Богоески, Теодора Тодороска, Анастасија Чулческа, Бојана, Китановска, кои ветуваат многу успеси за нашиот клуб. Нашите натпреварувачи вкупно осовија 15 медали, од кои 6 златни,  4 сребрени, 5 бронзени, изјави Марјанчо Лазаревски.

Лазаревски на 12.11-13 .11  2022, најавува учество на најтешкиот за оваа сезона Меѓународен Таеквондо ИТФ А класа турнир „Бугарија  Опен 2022“ во Пловдив, каде има пријавено натпреварувачи од многу земји од Европа, како што се Ирска, Естонија, Шпанија и други земји.

“Сите ги носат своите репрезентации да  ги проверат за наредното Европско првенство, додека нашите натпреварувачи се доста истрошени овој месец бидејќи учествувавме на три многу силни турнири. Сепак веруваме  во нив, па се надеваме дека ќе не израдуваат со некој медал”, додава Лазаревски.

Освојувачи на медали:

-Давид Крстески – 1 место (злато) борби-60 кг. јуниори 14-17 години, 1 место (злато) форми црн појас I дан, јуниори 14-17 години, Пехар за најдобар јуниор 14 – 17 години;

-Елена Јанеска – 1 место (злато) борби + 65 кг.   женски јуниори 14-17 години, 3 место (бронза) форми црн појас I дан, женски јуниори 14-17 години;                               

– Христијана Парулеска – 1 место (злато) форми црвен појас женски кадети 12-13 години, 3 место (бронза) борби -47 кг. женски кадети 12-13 години;                                                                       

-Климент Богоески – 1 место (злато) борби -57 кг. кадети 12-13 години, 2 место (сребро) форми зелен појас, кадети 12-13 години;

-Теодора Тодороска – 1 место (злато) борби  -59 кг. женски кадети 12-13 години, 3 место (бронза) форми жолт појас, женски кадети 12-13 години;                                      

-Анастасија Чулческа – 2 место (сребро) форми жолт појас, женски кадети 12-13 години, 3 место (бронза) борби -51 кг. женски кадети 12-13 години;

-Бојана Китаноска – 2 место (сребро) борби – 27 кг. девојчиња 8-10години;

-Владимир Димитриевиќ – 2 место (сребро) борби – 60 кг. јуниори 14-17 години;                                                                       

-Божидар Димитриевиќ – 3 место (бронза) борби +85 кг, сениори 18-39 години;                        

Please follow and like us: