Христијан Пендиков, претепаниот охриѓанец, кој беше на лечење во Софија од бугарските власти ќе добие стан за привремено живеење и пари за издржување додека е во Бугарија. Тоа денеска го соопшти министерот за надворешни работи, Николај Милков, на прес-конференција. Парите што ќе ги добие за живеење се наменети за него и за неговото семејство, рече Милков и додаде дека Пендиков во најбрз можен рок ќе добие бугарско државјанство.
Според Милков, Пендиков „се плаши за својот живот“ ако се врати во земјава и затоа се размислува и опцијата да му се даде и лично обезбедување.
Пендиков вчера беше отпуштен од Военомедицинската академија во Софија и веднаш беше примен од претседателот Румен Радев.
извор: Република
