На 07.02.2023 во 13.15 часот во СВР Охрид било пријавено дека пред деловен објект во близина на спортско – рекреативниот центар „Билјанини извори“ во Охрид, од страна на две лица од Охрид, на возраст од 47 и 26 години, бил нарушен јавниот ред и мир со употреба на остар предмет, на што претходела нивна меѓусебна вербална расправија.
Притоа, со телесни повреди се здобил 47-годишниот охриѓанец, констатирани во Општа болница во Охрид, додека 26-годишниот се здобил со тешки телесни повреди, констатирани во болницата „Св.Еразмо“. По целосно расчистување на случајот, СВР Охрид ќе поднесе соодветна пријава, соопшти портпаролот на СВР Охрид, Стефан Димоски.
