На ден 10.2.2023 во 10:20 часот во Шумско стопанска единица Јабланица – Ќафасан, при контрола од страна на Шумската полиција од Охрид со поддршка на шумски полицајци од Шумско-полициската станица Струга, откриена е бесправна сеча на 120 m3 дабово огревно дрво.
Бесправно посеченото дабово огревно дрво од страна на Шумската полиција од Охрид е одземено со Потврда за привремено одземени предмети и записнички предадено на овластено лице од Шумското стопанство Јабланица Струга. За целиот случај Шумската полиција од Охрид ќе поднесе соодветна пријава до Основното Јавно Обвинителство Струга.
