Викендов во Охрид меѓународен Таеквон-до ИТФ турнир „Охрид Опен 2019”

Спорт

Викендов, сабота 22 јуни 2019, Таеквон-до клубот „ХВА РАНГ ИТФ” Лескоец-Охрид организира меѓународен Таеквон-до ИТФ турнир „Охрид Опен 2019”, каде своето учество го имаат најавено клубови од Бугарија, Србија, БиХ, Хрватска, Словенија, Австрија и Македонија.

-На овој турнир очекуваме од 200- 250 натпреварувачи, а бидејќи долги години немаме организирано ваков турнир се надеваме дека нема да има повеќе натпреварувачи, за да можеме да го организираме овој турнир во најдобар ред, и да се покажеме како добри организатори. Искуството во организирање на вакви турнири не е на наша страна, но благодарение на нашиот генерален спонзор „ПН МЕТАЛ” кој ни има овозможено да учествуваме на вакви турнири, мислам дека ќе го организираме на солидно ниво. Турнирот свечено ќе го отвори градоначалникот на општина Охрид Константин Георгиески. Судењето на турнирот ќе биде електронско под водство на Вергилиј Ситнилскии носител на црн појас VI дан, генерален секретар на Бугарската ИТФ федерација, потпретседател на судиската комисија за југоисточна Европа. Истотака борбите ќе одат во живо благодарение на Стојан Стојановски, кој ќе им овозможи на сите наши обожаватели да можат да не гледаат од дома во живо, изјавува Марјанчо Лазаревски претседател на клубот , а воедно и на Македонскта ИТФ, носител на црн појас V дан, светски вицешампион од Прага’96.

Лазаревски воедно користи прилика да изрази најголема благодарност да генералниот спонзор на клубот „ПН МЕТАЛ” и голема благодарност до општина Охрид за нивната подршка на овој настан.

"OHRID OPEN 2019" Taekwon-do ITF championship

Posted by Marjancho Lazarevski on Monday, June 10, 2019

ОХРИД 24

Please follow and like us:
Tagged