Со СДСМ и Георгиески нема можности за младите во Охрид, ниту подобрување на нивната положба

Охрид

Ветувањата за Живот се претворија во беда, ветувањата за напред тргнаа за назад! СДСМ и градоначалникот Константин Георгиески воопшто не ги мотивираа младите за да се почувствуваат дел од општеството и со нивна помош да го направат Охрид посакувано место за живеење, истакна денеска претседателот на УМС ВМРО-ДПМНЕ Охрид, Александар Здравески.

– Отворивте ли Канцеларија за млади? НЕ, не отворивте! Изградивте ли Младински културен центар? Не, не изградивте! Дали ги вклучивте сите млади во донесување на одлуките на локално ниво? НЕ, не ги вклучивте. Профункционира ли Советот за млади? НЕ, не профункционира! Изготвивте ли Општинска стратегија за млади? НЕ, не изготвивте, нагласи Здравески.

Тој запраша каде е сега младината на СДСМ којашто велеше зборот е збор однесувајќи се со потценувачки однос кон младите?

– Извадени Ви се и маската и шминката!Младите не бараат ништо друго освен тоа што сте им го ветиле. Погубните политики на СДСМ и Георгиески доведоа до масовно иселување на младите од Охрид. Нивната мисија е младите да размислуваат само како да го напуштат родното место. Ете затоа и авионите се полни со млади кои среќата си ја бараат на други места. Со СДСМ и Георгиески нема повеќе можности за младите, ниту пак подобрување на положбата на младите во Охрид, заврши Здравески.

ОХРИД 24

Please follow and like us:
Tagged