Во недела, на 6 август во Пештани ќе започне годинешното културно лето. Манифестацијата “Културно лето Пештани“ која веќе стана традиционална, а ќе трае шест дена.
Сите уметности: ликовна, книжевна,музичка и драмска ќе бидат споени во една целина.
Љубителите на уметноста ќе можат да уживаат во миксот од серенадите, сериозната и народната музика.
Исто така присутните ќе бидат почестени со поезија и проза како и доза на хумор.
Свеченото отворање ќе биде на 6 август 2023 година со почеток во 20.30 часот на самиот брег, во центарот на Пештани.
На 7 август со почеток во 20.00 часот ќе има гастрономска вечер, каде присутните ќе можат да вкусат од прекрасните традиционални јадења од езерското крајбрежје.
Од 8 до 11 август со почеток во 17.00 часот ќе се реализира сликање и цртање на зајдисонце како и изложување на ракотворби од културната работилница.
Манифестацијата ја организира и реализира Граѓанското здружение “ARTE AZZURRA” со поддршка на Општина Охрид.
