Градоначалникот Пецаков ја честиташе титулата на младите фудбалери од „Фер плеј“

Охрид Спорт

Градоначалникот Кирил Пецаков денеска оствари средба со младите фудбалери од фудбалската школа „Фер плеј“ од Охрид, кои ја освоија титулата -Државен првак на Македонија во детски фудбал за генерација 2015 година.

Градоначалникот Пецаков упати срдечни честитки до дечињата и нивните тренери со желби за уште поголеми успеси во иднина. Тој истакна дека Општина Охрид како и до сега ќе продожи да инвестира во спортот и да дава поддршка на младите спортисти.

На првенството во категорија на детски лиги организирано од ФФМ, екипата на „Фер Плеј“ заврши без пораз и беше најдобра во конкуренција од 120 клубови од цела Македонија.

„Фер Плеј“ е првата охридска фудбалска екипа која освоила ваква титула. Екипата ја водат тренерите Марјан и Игор Настоски.

Please follow and like us: