Колумна: “ИЛИ МАФИЈАТА, ИЛИ МАКЕДОНИЈА!”

Македонија

Пишува: Слободан  ТОМИЌ


Слободан  ТОМИЌ

Македонија денеска тагува. 59 млади животи згаснаа во страшна трагедија во Кочани.

 Солзи, болка, тишина што зборува повеќе од илјада зборови. Ова не е само несреќа – ова е симбол на 30 години неправда, корупција и уништени судбини.

Каде се сега оние што 30 години ја уништуваа Македонија?

Каде е сочувството од Љубчо Георгиевски, Бранко Црвенковски, Зоран Заев, Али Ахмети?

Тие кои ја претставуваа Македонија како „своја куќа“, денес молчат пред трагедијата на својот народ!

Но, народот не заборава.

 Оваа трагедија не е изолиран случај – ова е последица на години корупција, криминал, лаги и предавства.

Опозицијата со познати сценарија – обид за хаос и манипулации

Нема да биде чудно ако од утре започнат режирани протести и сценарија, слични на оние што ги видовме во Белград и Нови Сад. 

Познатите структури на длабоката држава, поддржани од истите странски фондации, ќе се обидат да ја разнишаат власта во Македонија.

  • Шарената револуција веќе ја видовме – кога се фарбаа споменици, додека државата се продаваше.
  • Режираните кризни центри се веќе активирани, со истите луѓе кои работат против македонските интереси.
  • Целта е јасна – да се создаде хаос, нестабилност и нов обид за уценување на Македонија.

Но, народот повеќе не се лажe. Времињата се променија, а Македонија конечно има вистинско водство.

МИЦКОСКИ: 9 МЕСЕЦИ БОРБА ПРОТИВ КРИМИНАЛОТ

Во последните девет месеци, Македонија е под раководство на Христијан Мицкоски – премиер кој ја врати надежта.

  • Започна со расчистување на криминалните мрежи – лиценци, тендери, мазут, енергетика – сè е под истрага.
  • Ја постави Македонија на страната на Трамп и отпорот против глобалистите.
  • Јасно порача – нема амнестија за мафијата!

Дилемата е јасна: ИЛИ МАФИЈАТА, ИЛИ МАКЕДОНИЈА.

30 ГОДИНИ МАФИЈА: ОД „ХАРД РОК“ ДО ПРОДАЖБАТА НА ДРЖАВАТА

Денеска гледаме епилог на три децении мафијашко управување. 

Од почетоците на 90-тите, кога Фрчковски организираше криминални групи, преку приватизацијата на Црвенковски, до целосниот распад под Заев и Ахмети – Македонија беше заложник на организиран криминал, насилници и предавници.

Фрчковски и почетоците на мафијата

  • Од „Хард Рок“ и рекетарските банди, до контролата врз бизнисите и насилствата.
  • Мафијата од 90-тите ги постави темелите за криминалната приватизација.

Криминалната приватизација на Црвенковски

  • Македонската економија беше уништена, државните фирми распродадени за „1 евро“.
  • Народот осиромаши, а партиските олигарси се збогатија.

Продажбата на државата под Заев и Ахмети

  • Преспанскиот договор – предавство со промена на името.
  • Бугарскиот договор за „добрососедство“ – целосна капитулација.
  • Францускиот предлог – бугарски диктат во замена за „лажни преговори“.

И сега, кога конечно доаѓа правдата, криминалните структури се во паника.

РАСКРСТУВАЊЕТО: ИЛИ КРИМИНАЛ, ИЛИ ДРЖАВА!

Македонија конечно има шанса да расчисти со сите кои ја уништија!

  • Мицкоски е јасен: нема амнестија за мафијата.
  • Се отвораат истраги, се откриваат криминалните шеми.
  • Македонија тргнува кон нова иднина, слободна од мафијашките синџири.

Народот избра правда, а не криминал. Време е за расчистување со минатото и градење на нова Македонија.

ИЛИ МАФИЈАТА, ИЛИ МАКЕДОНИЈА!
СТ/

Please follow and like us: