Колумна на Слободан ТОМИЌ: Нов економски поредок или непромислено Трампување?

Македонија Свет

Од  Вашингтон до  Скопје: Доаѓа ли новиот економски поредок?

Пишува: Слободан ТОМИЌ

Слободан ТОМИЌ

Крајот на ерата на глобалистичка милост и почетокот на ерата на економски реализам
Не е непромислено, туку методолошки прецизно.

Она што многумина го нарекуваат „трампување“ – всушност претставува нова фаза на економски реализам, во која повеќе нема место за оние што живееја на сметка на американскиот даночен обврзник.

Тоа е процес на демонтажа на старата шема: глобализам за сиромашните, профит за богатите елити, и бескрајна толеранција кон паразитски економии, како што се многу на Балканот.

Трамп ги враќа – и ќе ги враќа – царините како казна и сигнал.

Не само кон Кина, туку и кон секоја држава со која Америка има нефер трговски биланс.

А Македонија? 

Хронично во дефицит.
Само прима, а не дава ништо.
Дали тоа значи дека ќе бидеме погодени?

 Можеби. 

Но не затоа што не сакаат – туку затоа што конечно има ред и логика.

Од Вашингтон до Скопје – новите правила се: немаш понуда, немаш олеснување.

СДСМ и ДУИ сè уште зборуваат со речникот од 2005 година.
За нив, „американски интерес“ значи поткуп, сервилност и сликање со амбасадори.

Но новата администрација во САД е сосема поинаква.

Трамп не сака сладуњави извештаи од НВО и декларативна демократија. Тој сака резултати, пари и логика.

Зошто Мицкоски се издвојува?

Затоа што не реагира панично.
Не вели „ова е напад“, туку „ова е нова шанса за вистинска економска дипломатија“.

Не глуми антиамериканизам за моментален политички поен – туку го препознава новиот економски поредок како историска шанса за излез од трговското ропство и градење вредносна економија.

Промена на економската парадигма: крај на донациите – време е за пазар.

Македонија мора:

  • Да понуди реални производи за извоз – а не извоз на луѓе;
  • Да преговара со САД како прагматичен партнер – а не како молител;
  • Да создаде национален економски фронт каде СДСМ и ДУИ нема да го саботираат сопствениот народ.

И тука е клучната разлика:

Опозицијата од левото крило ја користи секоја шанса да го претстави Мицкоски како „агент на Трамп“, само затоа што не се плаши да отвори теми за реална дипломатија, нови трговски правила и елиминирање на странските клики.

Нова најава од САД: Шанса за оние што не возвратија со царини.

Новоразвиената политика на Трамп доби конкретен облик:
Американскиот министер за финансии, Скот Бесент, најави дека САД ќе ја спуштат основната давачка на 10 проценти за сите држави што ќе покажат интерес за нови трговски услови.

Оние што возвраќале со казнени царини – ќе добијат уште повисоки. Кина, на пример, ќе се соочи со 125% тарифи.

Во следните 90 дена, сите држави имаат можност да се позиционираат како лојални и отворени за преговори.
Тоа значи само едно: Македонија мора да делува сега, да покаже капацитет и понуда.

Не со декларации, туку со прецизни договори и визија.

Геополитички шок – кој ќе преживее во новата реалност?

Светот денес се врти околу три оски:

  • Вашингтон (економски хегемон),
  • Пекинг (монополист на евтината продукција),
  • и Брисел (бирократски пациент).

Во овој контекст, Трамп не води изолационистичка политика – туку корекциска.

Сите кои „пливаа“ под американски чадор, а ништо не даваа – сега ќе платат цех.

Македонија или ќе се прилагоди, или ќе ја плати цената на небрежноста од претходните влади.

Нов термин: ТРАМПИЗАЦИЈА НА ТРГОВСКАТА РЕАЛНОСТ

Ова не е непромислено трампување.
Ова е трампизација на глобалната трговија.

Или ќе ја прифатиме таа игра – со сопствена понуда, стабилна економија и државнички разум – или ќе останеме во гето на неконкурентните.

Резиме : Македонија нека не чека милост. Неа веќе ја нема.

Мицкоски има историска шанса – да ја постави државата на нова економска траекторија каде што нема молење, туку рамноправно партнерство.

А сите што денес го напаѓаат – утре ќе го слават, откако ќе се обезбеди македонската позиција во новиот глобален економски ред.

Трамп не простува на економски паразити. Но ги наградува лојалните и прагматичните.
С

Please follow and like us: