Колумна на Слободан ТОМИЌ – “Правдата во фиока: Како судството стана слуга на мафијата, а не на народот”

Македонија

Криминалот не спие – само правдата е во кома

Пишува: Слободан ТОМИЌ

Слободан ТОМИЌ

Македонија три децении живее во правна и морална пустош.

Од независноста до денес, судството и обвинителството не беа столбови на демократијата, туку алатки во рацете на политичкиот и бизнис естаблишмент.

И ако некој се прашува зошто во оваа земја нема казнивост – одговорот е едноставен: Сите имаат свои луѓе во судот и обвинителството.

Ниту еден сериозен грабеж, ниту една висока корупциска афера не заврши со затвор.

Ама затоа политичарите добиваат „златни визи“, а граѓаните – хипотеки и солзи.

Од „Еуростандард“ до стандардна пљачка на народот

Уништувањето на Еуростандард Банка и судбината на Трифун Костовски е иконичен пример за тоа како функционира македонската правна мафија.

Човекот што се обиде да им се спротистави на Заеви, Ахмети и нивната финансиска хоботница, заврши уништен, а неговата банка беше растурена со знаење и поддршка од институции кои требаше да го заштитат финансискиот систем.

Што направија судиите и обвинителите?

Ништо!

Истрагата беше во фиока, обвиненијата , никогаш подигнати.
Луѓето ги изгубија своите заштеди.
Случај затворен, правдата затворена.

Кога еден човек се обиде да се спротивстави на системот, системот го проголта, а судот молчеше

Постојат ликови кои не припаѓаат на ниту една мафија, ниту на партиска хоботница.

Ликови кои ги даваат своите пари и авторитет во име на нешто што се нарекува јавен интерес.

Кога таков човек ќе биде симболично и реално уништен од институциите што требало да го заштитат, тоа не е само индивидуална трагедија.

Тоа е предупредување , дека државата не е заробена, туку разнесена.

Судот и обвинителството , одбегнување на одговорност е институционализирана норма

Колку навистина се независни членовите на Судскиот совет?
Колку судии беа разрешени за неправилности?

Колку обвинители одговараа за свесно заташкување на случаи?

Нула.

Системот е дизајниран така што неказнивоста е уградена во правната архитектура.

Ако некој судија или обвинител оди против политичкиот ток – ќе биде тргнат.

Ако е послушен, ќе напредува.

И сè додека фиоките се пополнети со неотворени предмети, никој од високиот криминал не стравува.

Новиот Закон за Судски совет , козметика наместо хируршка интервенција

Предлог-законот објавен на платформата ЕНЕР (Единствениот национален електронски регистар на прописи) звучи убаво , транспарентност, јавно разрешување, јасни критериуми за „истакнат правник“.

Но ова се шминка и реторика ако не следи целосно ресетирање на судскиот и обвинителскиот систем.

Се бараат нови кадри, нов морален компас, систем за проверка на имот, влијанија и досегашна работа на секој судија.

Без тоа, овој закон ќе биде уште еден декор за европски извештаи, а не вистинска промена.

Ни треба македонски „Фалконе“, а не нова фиока за закони

Фалконе

Италија се справи со мафијата благодарение на херои како Џовани Фалконе и Паоло Борселино.
Романија имаше своја Моника Маковеј.

Во Македонија – уште чекаме.
А време повеќе нема.

Народот од Мицкоски не очекува само стабилност, туку освета преку правда.

Очекува грабежите да добијат име, презиме, казна и конфискација.

Но тоа нема да дојде ако во Судскиот совет и обвинителствата седат луѓе што беа со Заев и Ахмети, па сега само се шминкаат во „реформатори“.

Пауло Борсалино

Каде не води ова? Во држава без доверба и без иднина!

Без правен систем , нема држава.

Без доверба во правдата – нема стабилност.

Народот бега, а сторителите се богатат.

Се создава нова класа на „недопирливи“, кои не се божји, туку судски заштитени.

Ако овој систем не се ресетира – Македонија ќе стане африкански протекторат на корупцијата, а не европска држава.

Резиме : Или чистка, или вечна неправда

Време е за целосна прочистувачка операција.

Од прв до последен судија. 

Од основен до Врховен.
Ни треба ветинг, ревизија на имот, минато и одлуки.

И конфискација.
Бидејќи правдата без одговорност е фарса, а Македонија веќе предолго живее во таа фарса.

Please follow and like us: