ЕКСКЛУЗИВНО ИНТЕРВЈУ ЗА „ГЛАСОТ НА НАРОДОТ“ СО СЛОБОДАН ТОМИЌ, ТВ ВИСТЕЛ И ПОРТАЛ ОХРИД 24Ј
Поранешниот претседател на Социјалдемократската групација (S&D) во Европскиот парламент, Јоханес Свобода, во ексклузивен одговор за емисијата „Гласот на народот со Слободан Томиќ“ (ТВ Вистел) и порталот „Охрид 24“ жестоко ја осуди бугарската блокада кон Македонија, нарекувајќи ја „грубо кршење на европската солидарност“.
„ПРИНЦИПИЕЛНО, БУГАРСКАТА ИНТЕРВЕНЦИЈА И БЛОКАДАТА НА ПРИСТАПНИТЕ ПРЕГОВОРИ СО МАКЕДОНИЈА ПРЕТСТАВУВААТ ГРУБА ПОВРЕДА НА ЕВРОПСКАТА СОЛИДАРНОСТ! ТОА НИКАКО НЕ Е ОПРАВДАНО!“ – изјави Свобода.
Тој повика Европската комисија и клучните земји-членки да преземат ПОАКТИВНА УЛОГА ВО МЕДИЈАЦИЈАТА, како што тоа било направено при конфликтот меѓу Хрватска и Словенија.
„И ТОГАШ ИМАШЕ ПРОБЛЕМ МЕЃУ ДВЕ ЗЕМЈИ – ХРВАТСКА И СЛОВЕНИЈА – НО ЕУ РЕАГИРАШЕ. ИСТОТО МОРА ДА СЕ СЛУЧИ И СЕГА. ПОТРЕБНИ СЕ ЈАСНИ И ОСТРИ ЗБОРОВИ НА КРИТИКА КОН БУГАРИЈА,“ рече Свобода.
Свобода посебно ја критикуваше одлуката на бугарскиот претседател да одбие средба со македонската претседателка Гордана Сиљановска-Давкова на претстојниот НАТО самит во Хаг, и покрај присуството на претставници од ЕУ и САД.
„ОДБИВАЊЕТО НА СРЕДБАТА Е СПРОТИВНО НА ЕВРОПСКИТЕ НОРМИ НА ДОБРОСОСЕДСТВО И ДИПЛОМАТИЈА. ТОА НЕ Е НАЧИН НА КОЈ СЕ ГРАДИ ЕВРОПСКА ИДНИНА,“ потенцираше Свобода.
Во разговорот со новинарот Слободан Томиќ, Свобода најави подетално интервју и анализа, која наскоро ќе биде објавена во „Гласот на народот“ и порталот „Охрид 24“.

