Колумна на Слободан Томиќ – Идентитетот не се ревидира со амандмани, тој се брани со државништво: Мицкоски како штит против негирачките елити во Европа

Македонија Регион Свет

Пишува: Слободан Томиќ

Слободан Томиќ

КАДЕ ЗАСТАНАА АМАНДМАНИТЕ, ПОЧНА ДОСТОИНСТВОТО: ПОЛИТИЧКА И ПОСЛЕДИЧНА ПОБЕДА НА МАКЕДОНИЈА

По гласањето во Европскиот парламент за извештајот на европратеникот Томас Вајц, Македонија не доби само дипломатски здив , туку вистински европски сигнал дека идентитетот на еден народ не може да биде предмет на туѓа редакција. 

Одбиени беа амандманите што инсистираа македонскиот јазик да биде дефиниран како „модерен“ , термин што криеше историско понижување, а не академска прецизност.

ПИСМОТО НА РАДЕВ: КОГА НАЦИОНАЛИЗМОТ ДОБИВА ЕВРОПСКА ХАРТИЈА

Бугарскиот претседател Румен Радев испрати писмо до институциите во Брисел со порака обвиткана во формални фрази, но натопена во политичка ароганција. 

Тој реагираше што европските пратеници се вмешале во „научно-морални теми“ како што се јазикот и историјата , прашања кои, според него, не можат да се решаваат без бугарска согласност. 

Суштината е јасна: Радев го брани наративот дека македонскиот идентитет е подзапирка во бугарската верзија на историјата.

„МОДЕРЕН ЈАЗИК“ , ДИПЛОМАТСКА МИНИРАЊЕ НА КОНТИНУИТЕТОТ

Терминот „модерен македонски јазик“, наметнат од бугарските европратеници и поддржан од некои германски кругови, не беше семантика ,туку закана. 

Тој претставува обид да се создаде перцепција дека македонскиот јазик е нова творба, без органски корен и без историска длабочина. 

Тоа е атак не само врз државата, туку и врз колективното паметење на еден народ.

МИЦКОСКИ ОДГОВОРИ КАКО ЕВРОПСКИ ЛИДЕР , СО РЕЧНИК НА ВИСТИНА, НЕ СО ЕМОЦИОНАЛЕН ФОЛКЛОР

Во моментот кога некои очекуваа излив на националистички жар, премиерот Христијан Мицкоски избра пат на разум, на принцип и на европска логика. 

Неговата реакција беше остро насочена, но дипломатски обликувана  токму онака како што му прилега на државник кој не брани само својот народ, туку и идејата за правична Европа.

„Ова што се обидуваат да му го направат на македонскиот народ, е она што му го замеруваат на Путин , да го брише идентитетот на друг народ.

 Европа треба да си го постави прашањето: дали дозволува истиот модел на друго тло?“

Тоа не беше само позиција , тоа беше европска лекција.

ОД ВРЕМЕ Е ДА СЕ ПОСТАВИ ПРАШАЊЕТО ЗА МАКЕДОНСКОТО МАЛЦИНСТВО ВО БУГАРИЈА

Христијан Мицкоски го отвори прашањето што долго време сите го избегнуваат , постоењето на македонско малцинство во Бугарија. Тоа не е политичка провокација, туку правна обврска. 

Европскиот суд за човекови права има донесено пресуди што Бугарија упорно ги игнорира. 

Регистрацијата на ОМО Илинден , Пирин и присуството на македонски претставници во бугарскиот комитет за малцинства не се барања на Скопје  туку на Стразбур.

ЕВРОПА ИЛИ ЕВРОПСКИ БАЗАР? СИГНАЛОТ НА УНГАРИЈА

Во еден тивок, но значаен потег, Унгарија се воздржа од учество во политичкото оспорување на македонскиот јазик.

 Наместо добро познатите дипломатски „кафе-паузи“ при чувствителни теми, унгарските претставници останаа на линија на воздржаност ,како предупредување дека европската политика не смее да стане инструмент за национални митологии.

ЈУЛИ ЌЕ БИДЕ ПОВЕЌЕ ОД ПЛЕНАРНА СЕДНИЦА – ТОЈ ЌЕ БИДЕ ИСПИТ ЗА ЕВРОПСКИОТ КАРАКТЕР

Пленарната седница што се очекува во Европарламентот нема да биде само гласање за некој извештај , туку одлука дали Европа е вредносна заедница или пазар за политички уцени. 

Македонија го положи првиот тест , не се поколеба, не ја тргуваше суштината за брза добивка. Сега е ред на Европа.

МАКЕДОНИЈА ЌЕ ПРЕГОВАРА , НО НЕ ЗА СОПСТВЕНИОТ ИДЕНТИТЕТ

Идентитетот не е монета за евроинтеграции. Не е промотивна брошура за дипломатски протоколи. 

Тој е крв, јазик, историја и волја. 

Во оваа нова геополитичка реалност, кога притисоците се „облечени“ во амандмани, Македонија најде глас , и го најде во Христијан Мицкоски.

Тој не се крена со гнев, туку со тишина полна со аргументи. Не нападна, туку предупреди. 

Не викна, туку постави прашање што никој не сакаше да го чуе.

Македонија ќе се интегрира , но нема да се редефинира. Ќе биде дел од Европа , но како тоа што е: македонска држава, со македонски јазик, македонски народ и со свое достоинство.

Please follow and like us: