Пишува: Слободан ТОМИЌ

Во историски миг кога Европа се менува, а иднината на унијата е сè помалку федерална, Македонија мора да ја напушти улогата на молчалив заложник и да стане активен играч во новиот геополитички распоред.
Времето на тивкото трпение заврши.
Почнува времето на суверениот отпор и партнерство со слично мислечките народи!
КРАЈ НА ФЕДЕРАЛНА УТОПИЈА: ЕВРОПА СЕ ВРАЌА КОН НАЦИИТЕ
Некогашниот проект на централизирана, бирократска „Обединета Европа“ што ги газеше националните особености, денес се распаѓа пред нашите очи.
Вишеградската група , Полска, Унгарија, Чешка и Словачка , покажуваат отпор. Италија и Австрија веќе не клечат пред Брисел.
Европа не умира, но се преобразува: не кон федерација, туку кон сојуз на рамноправни, суверени држави.
МАКЕДОНИЈА НЕМА ШТО ДА БАРА НА ПОДОБНА МАСА КАКО ВТОР РЕД НАЦИЈА

Со прифаќањето на т.н. „француски предлог“, ни беше понудено понижување во амбалажа на интеграција.
Да се откажеме од јазикот, историјата, културата, идентитетот , за лажна европска милостина.
Но, Европа денес не наликува на онаа од 2005 година.
Нема стабилност, нема единство, а иднината е неизвесна.
Македонија нема што да бара во таква Унија како тивок објект на уцени.
НОВА ПАТЕКА: СТРАТЕШКО ПРИБЛИЖУВАЊЕ КОН СУВЕРЕНИТЕ ЕВРОПСКИ СИЛИ
Додека т.н. „центар“ на Европа вене, новата сила се раѓа на источниот и централниот брег , во Вишеградската четворка, во Балтичките земји, па дури и во Италија.
Македонија треба да ја гради својата иднина во соработка со тие земји кои ја бранат семејната традиција, националната посебност и културниот интегритет.
Со нив да градиме билатерални сојузи, економски мостови и заеднички дипломатски отпор.
СУВЕРЕНИТЕ НАРОДИ ЈА ПИШУВААТ ИДНИНАТА
Вишеградската група не е само безбедносен сојуз, туку и вредносна позиција.
Тоа се држави што не прифаќаат да бидат вазали на бриселската бирократија.
Што ја отфрлија идеологијата на самоуништување, мигрантска анархија и диктат од европски комесари ?
Македонија може и треба да застане рамноправно во овој блок , не како балканско подножје, туку како нација со глас, гордост и иднина.
НАШЕТО „НЕ“ Е МОЖЕБИ ПРВОТО ВИСТИНСКО „ДА“ ЗА ЕВРОПА!
Со одбивањето на асимилацискиот „предлог“, Македонија не се сврте против Европа, туку за првпат ѝ ја понуди вистинската Европа на нациите и културите.
Европа на Александар Велики, не на бирократи од Луксембург.
Европа на идентитети, не на фалсификати.
Во тоа „не“, Македонија рече „да“ на Европа каква што треба да биде , Европа на народите, не на пазарите.
ЗОШТО ВЕЌЕ НЕ МОЖЕ БЕЗ НАС?

Македонија е клучна точка во геополитиката на Балканот. Како и Израел на Блискиот Исток , мала, опкружена со уцени, но вредносно непрекршлива.
Без Македонија нема вистинска европска безбедност на југоистокот.
Македонија има иднина во Европа, но како Македонска држава, не како регионален експеримент.
МИЦКОСКИ ГО ВОДИ СТРАТЕШКОТО ВРТЕЊЕ КОН ДОСТОИНСТВО
Новата македонска Влада предводена од премиерот Мицкоски испрати јасна порака: ниту по цена на интеграција, ниту по цена на ветена економија, нема да го продадеме она што нè прави народ , јазикот, историјата и името.
Мицкоски не нуди илузии, туку правец, партнерства со суверени нации , не зависност од центри на моќ.
ИЗБОР КОЈ ЌЕ НÈ ОДРЕДИ: СВОЈ НА СВОЕ ИЛИ ТУЃ ПРИ ДОМАЌИН
Иднината на Македонија не е да биде вечен кандидат. Нашиот пат не е да молиме на портите на Западот, туку да градиме свој дом со оние што ја ценат слободата.
Историјата се врти. Унијата пука по шевовите.
Ова е време не на пасивни играчи, туку на лидери. Македонија има, шанса но само ако ја зграпчи со цврста рака.
СЛОБОДНА МАКЕДОНИЈА ПРЕД ДОБАТА НА НОВАТА ЕВРОПА
Ние не бегаме од Европа. Ние сме Европа.
Но, не Европа на наложници, туку на народи со достоинство. Македонија мора да биде столб, не трем.
Член, не трофеј !
Глас, не ехо !
Битката за иднината започнува токму сега , и се води со сојузи на честа, не на принуда !
Македонија има сојузници !
Време е да ги најде и да застане покрај нив , достоинствено, рамноправно, гордо.










