„Американскиот ѓавол за левицата, и можниот иден претседател што никогаш нема да биде“
Пишува: Слободан ТОМИЌ

ДВА АНГЕЛА, ЃОРЃИ И ЧАРЛИ
Во светот каде правдата често спие, а злото се крие во сенките, двајца млади ангели паднаа , Ѓорѓи и Чарли.
Ѓорѓи се бореше за секој здив во болница, со храброст што малкумина можат да ја разберат. Можеше да живее, како многу други пациенти со иста дијагноза.
Но, животот не е секогаш праведен.
Чарли Кирк се бореше на свој начин , за слободата на илјадници генерации, за идејата што го надминува човекот, и за своите две деца што го гледаа светот низ неговите очи.
Тој, не смееше да загине, неговата мисија беше поголема од него, поголема од сè.
Двајцата паднаа пред очите на светот, но нивниот дух останува жив.
Тие не умреа , тие станаа симбол. Симбол на храброст, на борба, на љубов што никогаш не се предава.
БОЛКАТА НА СЕМЕЈСТВАТА

Семејствата останаа со празнина што боли на секој здив.
Моите внуци го изгубија својот татко, мојот син Ѓорѓи, и секој ден се соочуваат со немоќта и тага што ја остава смртта.
Двете деца на Чарли Кирк го изгубија својот татко пред очите на светот, сведоци на нечовечка неправда.
Болката е неизмерна, но љубовта и споменот на Ѓорѓи и Чарли никогаш нема да избледат.
Тие се ангели што ќе ги водат иднините на нивните семејства.
УБИСТВО ВО ЖИВО, ПРЕД НАЦИЈАТА

Чарли Кирк беше ликвидиран со снајперски куршум, во срцето на Америка, на универзитетска говорница.
Не на улица, не во подземен паркинг , туку пред илјадници слушатели, додека зборуваше за американскиот сон, за иднината и за вистината.
ПОСЛЕДНИТЕ ЗБОРОВИ: „НИЕДЕН СНAЈПЕР НЕМА ДА ГО УБИЕ АМЕРИКАНСКИОТ СОН“

„Ниеден систем не е посилен од народот што се буди.
И никој снајпер нема да го убие американскиот сон.“
Тоа беа зборови што останаа заглушени од пукањето, но денес одекнуваат милиони пати на социјалните мрежи.
Клетва и пророштво, крик и завет , дека идејата ќе живее подолго од телото.
ПЕТ МОЖНИ СЦЕНАРИЈА: КОЈ ГО УБИ ЧАРЛИ КИРК?

- Длабоката држава – непријателот на иднината
Кирк беше млад, организиран и визионерски Трамп. Тој беше иднината, опасен затоа што ги инспирираше младите и ги мобилизираше социјалните мрежи. - Инсајдер , куршум од најблиску
Убиство во „заштитена зона“ без фатен извршител е белег на инсајдерска операција. Некој од внатре морал да знае. - Левичарски екстремист , „осветникот“ на ВОКЕ-идеологијата
За многумина од „левата армија“, Кирк беше непријател број еден. - Меѓународна порака предупредување до Доналд Трамп
„Гледај го Чарли. Ти ќе бидеш следен.“ - Стратешка дестабилизација психолошка операција против новиот мандат на Трамп
Првите месеци од вториот мандат на Трамп се клучни. Убиството на Кирк е шок-терапија и обид да се пресече лавината на новата десница.
ТРАМП: „ОТКИНАА ДЕЛ ОД МОЕТО СРЦЕ“

„Откинаа дел од моето срце. Чарли беше мојот син што никогаш не го имав. Ги предупредувам: мислат дека убија еден човек, но всушност разбудија милиони.“
АМЕРИКА ПО КИРК, ЛИДЕРОТ СТАНУВА МИТ
Историјата покажува: убиствата не ги гаснат идеите. Кенеди, Мартин Лутер Кинг, Линколн , сите паднаа, но идеите останаа.
Чарли Кирк нема да биде претседател. Но, ќе стане мит.
ФИНАЛЕ: ПУКАНО Е ВО ИДНИНАТА, НЕ САМО ВО КИРК
Ѓорѓи и Чарли се веќе дел од историјата , како ангели на животот, правдата и слободата.
И додека не знаеме кој ја повлече чкрапалото, знаеме едно: ,,оружјето, не пукало само во Чарли Кирк.
Пукало е во иднината, во секој што се бори за вистината, љубовта и слободата.
Семејствата на двата ангели ќе продолжат да се држат за нивниот спомен, да го носат нивниот дух и да се борат за светот што тие го замислија.





