Тело на почината жена во фаза на распаѓање, пронајдено во Зрновци

Македонија

Тело на починато женско лице било пронајдено денес околу 10.40 часот, во близина на Зрновска Река, кај местото познато како Ѓошевски орев, во Општина Кочани.

Јавен обвинител извршил увид на местото на настанот, а телото било предадено на обдукција. Информацијата ја потврди Министерството за внатрешни работи, од каде посочуваат дека се утврдува идентитетот на починатата, како и околностите под кои настапила смртта.

За настанот известија и регионалните медиуми, а според првични, неофицијални информации, станувало збор за девојка чиј идентитет е непознат, а која била силувана и обезглавена.

По информацијата дека во кочанското село Зрновци, е пронајдено мртво тело на жена, со првични информации се огласија и од МВР

-Денеска (21.03.2026) во СВР Штип е пријавено дека околу 10:40 часот во с.Зрновци, во место викано Ѓошевски орев, во близина на зрновска река, е пронајден човечки леш, во фаза на распаѓање. Се преземаат мерки за расчистување на случајот, велат од МВР за ,,Фокус”.

Од Обвинителството претходно посочија дека починатата се уште не е идентификувана.

-Јавен обвинител од Основното јавно Кочани врши увид на локација каде е пронајдено тело на почината жена. До овој момент починатата не е идентификувана. Ќе биде наредена обдукција, а причините за смртта се уште не се утврдени, велат од Обвинителството.

Please follow and like us: