да покажуваме колку големи успеси можат да создадат луѓето на една мала држава. Никој нема да ни подари развиена економија, никој нема наместо нас да ги изгради нашите компании и никој нема да ја создаде иднината што ја посакуваме, доколку самите немаме храброст, дисциплина и истрајност да работиме за неа. Нашата цел не е само да стигнеме до врвот, туку да изградиме држава во која секоја следна генерација ќе има повисок врв кон кој ќе се искачува, поголеми можности што ќе ги освојува и посилна економија врз која ќе ја гради својата иднина. Тоа е нашата обврска пред граѓаните, тоа е нашата одговорност пред генерациите што доаѓаат и тоа е амбицијата од која нема да отстапиме. Затоа што силна држава не се создава со мали амбиции, туку со големи цели, со храбри одлуки и со резултати кои остануваат зад нас, порача премиерот Мицкоски на вечерашната манифестација во Македонската филхармонија.
Врвот, рече Мицкоски, не се подарува, до него се стигнува, а нашата генерација има историска одговорност да покаже дека може да ја искачи државата повисоко од кога било досега.

