Пецаков: Ова на Охрид шо му го прајте немат смисла, 7 години не помрдна „автопатов“ сега на почеток на туристичка сезона 45 дена го затворате влезот на Охрид

Охрид

Ова на Охрид шо му го прајте немат смисла..
Ниту идеја, ниту желба уш помалце реализација…
7 години не помрдна „автопатов“ сега на почеток на туристичка сезона 45 дена го затворате влезот на Охрид и се пренасочува цел сообраќај по стариот пат, пат кој нема капацитет да прими толкава голема бројка на возила и хаосот кој ќе го создадете е неминовен.., се вели во реакцијата на градоначалникот Кирил Пецаков, а во врска со одлуката на владата за затворање на патниот правец Подмоље – Охрид на магистралниот пат А3, а сообраќајот да биде пренасочен по стариот пат Охрид-Струга.

Понатака градоначалникот Пецаков во својата реакција додава:

“Заради тоа што не сакавте да не испочитувате и не ви беше битно тоа што општина Охрид беше против затворање на влезот во Охрид во овај период, негативно мислење од Општина Охрид, негативно мислење од СВР Охрид и си издадовте сами на себе дозвола за пренасочување на сообраќај, сега јавно го повикувам министерот за транспорт, министерот за внатрешни работи и премиерот, да ја сменат одлуката и да овозможат нормален проток на возила во тек на туристичката сезона, а по завршување на сезоната да одпочнат со градежните активности…

Без разлика шо не почитувате локална самоуправа, во неколку наврати го докажавте тоа и исто во неколку наврати низ годиниве влечите одлуки директно на штета на Охрид, овде сепак треба да покажите чувство и ова лудило веднаш и одма да прекине да важи”!

Please follow and like us:
Tagged