Мицкоски: Излезете да гласате и да добиеме 61 пратеник за економски реформи, за правда и одговорност и политичка стабилност

Охрид

Мора оваа победа да е јасна и убедлива и со 61 пратеник. Ова е моето настојување и ова мора да биде нашата заедничка мисија, рече претседателот на ВМРО-ДПМНЕ, Христијан Мицкоски, на денешната Конвенција за избор на кандидат за претседател на Република Македонија од ВМРО-ДПМНЕ.

И ќе кажам три причини за тоа. 61 пратеник за економски реформи кои се насушни и кои ќе дадат резултати веднаш. 61 пратеник за непоколебливо остварување на правдата и одговорност за сите оние кои правеле криминал. И 61 пратеник за сигурно управување на институциите. Без уцени, без диктати, изјави Мицкоски.

Мицкоски истакна дека ги чека многу работа бидејќи државата е во потполн хаос.

И да си признаеме, да, не чека многу работа. Државата е во потполн хаос. Институциите се парализирани, апатија и разочараност која е насекаде. Изгубена е вербата во политичарите, затоа што волјата на народот многупати е изигрувана. Ништо не функционира, граѓаните имаат чувство дека државата е киднапирана од мала група на корумпирани политичари и затоа се скептични дека тоа може еден ден да се промени. Државата е одземена од рацете на народот, и ако најкусо може да се опише тоа чувство на народот тогаш тоа се зборовите немаме веќе држава, нагласи претседателот на ВМРО-ДПМНЕ.

Please follow and like us:
Tagged