Викендов што помина Македонската Традиционална Таеквондо Федерација, настапи на Меѓународен Таеквондо ИТФ турнир „С.И.Т.А. ОПЕН 2023“ во Лозница, Србија, каде што учествуваа околу 300 натпреварувачи од Србија, Хрватска, Словенија, БиХ, и Македонија.
Под водство на претседателот на МТТФ, Марјанчо Лазаревски, носител на црн појас V дан, за МТТФ настапија пет дебитанти девојчиња, од три различни клубови, кои учествуваа во две дисциплини форми (борба со замислен противник) и спаринг борби.
Таеквон-до клубот „Хва Ранг ИТФ“Лескоец- Охрид, беше претставуван од 3 натпреварувачки кои освоија:
- Анастасија Чулческа – 1 место (злато) форми жолт појас, женски кадети 12-13 години; 3 место (бронза) борби -55 кг. женски кадети 12-13 години
- Теодора Тодорска – 2 место (сребро) форми жолт појас, женски кадети 12-13 години; 3 место (бронза) борби -60 кг. женски кадети 12-13 години
- Анастасија Трифуноска – 2 место (сребро) борби -40 кг. женски кадети 10-11 години
За Таеквон-до клубот „МАСТЕР“ Охрид настапи Теодора Митреска – 1 место (злато) форми зелен појас, јуниорки 14-15 години; 2 место (сребро) борби -65 кг. јуниорки 14-15 години
За Таеквон-до клубот „ЧОНЏИ“ Косел – Охрид настапи Мила Јосифоска, која за жал во спаринг борби четвртфинале, во борбата за медал беше оштетена од страна на судиите.
“Со оглед на големината и квалитетот на учесниците на овај натпревар, презадоволни сме од нашите натпреварувачки кои покажаа извонредна храброст и пожртвуваност, а со тоа имаат мотив да тренираат уште понапорно, за да постигнеме подобри резултати. Поради припремите за наредното Европско Првенство кое ќе се одржи од 17-24 април 2023 во Јесоло, Италија, на овој натпревар отидовме со мал број натпреварувачи и се одлучивме да одиме само со девојчиња, кои се покажаа најдобро на државното првенство, а се во вториот состав, и добија можност да се покажат на борилиштата, изјави претседателот на МТТФ, Марјанчо Лазаревски.