На ден 19.08.2023, сабота, ПК „АКВАСПИРИТ“ – Охрид, ќе го организира „ОВФ пливачки митинг“ (Ohrid Water Festival Swimming Meet) кој е дел од Ohrid Water Festival, под покровителство на општина Охрид.
Досега се пријавени над 150 пливачи, меѓу кои има од три клубови од Р. Србија, по еден клуб од Косово, Албанија, и Велика Британија.
“Вкупно имаме пријави од 15 клубови и школи. На митингот натпреварувачите имаат можност да настапат во 8 различни дисциплини поделени во 6 возрасни категории. Исто така на митингот ќе има и ревијална трка со даски за дечиња и ревијална трка за возрасни (рекреативци) на 50 метри слободен стил. Натпреварувањето е поделено во два дела и тоа утрински 08:00-12:00 и попладневен 16:00-19:00 часот. Самото натпреварување е организирано согласно правилата на НПФ (Национална пливачка федерација), LEN и World Aquatics. Настанот ќе се оддржи на градскиот пливачки базен „Атина Бојаџи“ во склоп на СРЦ „Билјанини извори“ – Охрид. Секој е добредојден, велат од ПК „АКВАСПИРИТ“.
